FALANDO DE NAVES...

   "Profe, o outro día fun a Vigo e vin un barco..." O barco do que trata de falarnos Gael, é a NAO VICTORIA. Pero ¿que ten de especial? Pois foi a primeira que deu a volta ao mundo! Decidimos entón investigar sobre o tema:

- Canta xente viaxaba nela?

- Eran mariñeiros expertos?

- Canto medía?

- Quen era o capitán?

- De que material estaba feita?

- Que significa "nao"?

  Así, dirixímonos á aula de informática e investigamos... Moi pronto, o resultado das pesquisas!

DÍA DA POESÍA

Hoxe celebramos o DÍA DA POESÍA dun xeito moi especial, pois viñeron estudantes do IES Johan Carballeira a recitarnos poesías polas aulas. E como onte empezou a PRIMAVERA, recitámoslles un pequeno pareado que aprendemos na clase de lingua castelá:

La primavera ha venido,

nadie sabe cómo ha sido.

http://bibliocasteloapedra.blogspot.com.es/2017/03/21-de-marzo-dia-da-poesia.html

Grazas rapaces! Sodes sempre benvidos!!!

O XOGO DA MIÑOCA

Xa que este ano o Concello quere instalar un composteiro na zona do colexio, o venres, o alumnado de 1º e 2º recibimos a visita de María, que nos trouxo o XOGO DA MIÑOCA. Era un xogo parecido á tradicional OCA, pero que tiña probas e casiñas relacionadas coa reciclaxe e a compostaxe.

Aprendemos a regla das tres R: Reducir, Reciclar e Reutilizar; e pasamos un rato moi agradable xogando por equipos.

MÁIS DE... BUSCANDO AOS MINIONS!

Como xa publicamos hai uns días, o venres 24 celebramos un ENTROIDO DE CINE, que resultou espectacular. Tanto, que aínda nos quedaron cousas por dicir...

Toda a semana de Entroido viñemos á escola adornándonos cada día con algo distinto: o LUNS coa cara maquillada, o MARTES cun sombreiro, o MÉRCORES con algo no pescozo e o XOVES con algo nos pés... E como cada ano, quedamos sorprendidos coa orixinalidade e a creatividade das familias. Aí van algunhas fotos...

Ademais, decoramos unha pancarta co lema da nosa comparsa BUSCANDO AOS MINIONS, para lucila o día do pasarrúas.

E despois do desfile, e dos cánticos na praza Massó, ao voltar ás aulas atopamos unha merenda fabulosa elaborada polas nosas familias: CHULAS, FILLOAS. ORELLAS, BISCOITOS... Mmmmm! Que boísimo estaba todo!!!! Mirade como compartimos a merenda...

E, xa para rematar, se queredes ver máis imaxes do Entroido no colexio, premede nestes enlaces:

ENTROIDO DE CINE
MÁIS DE ENTROIDO NO COLE

OS ALIMENTOS

Rematamos o tema dos alimentos coa creación da nosa neveira particular e colectiva. Nela, dividimos os alimentos en tres baldas: de consumo diario, semanal e ocasionalmente. Ademais, sabemos que é necesario facer exercizo, beber auga e durmir ben.

Iniciamos os coñecementos de palabras como hidratos de carbono, proteínas, vitaminas e minerais así como o significado da orixe dos alimentos.

                         

                          Este é un exemplo do noso traballo:

                                                            
                 

BUSCANDO AOS MINIONS

     O venres 24 de febreiro, coincidindo co día de Rosalía, todo o cole celebrou o Entroido, pero eso si, un ENTROIDO DE CINE! Comezamos a vestirnos ansiosos ás 10 da mañá xa que tiñamos unha cita: recoller aos raparigos de Infantil para o pasarrúas. Dito e feito! Todo eran fotos e sorrisos ao arredor. Na praza do Concello, escoitamos e cantamos as cancións creadas para tal día: os de infantil... ESPECTACULARES! os de 1º e 2º... SOBERBIOS, os de 3º e 5º...UNS CAMPIÓNS e os de 4º e 6º... XENIAIS!

De volta ao cole, aínda que levaban algunha banana no peto, os Minions tiñan fame e fixeron unha boa festa!!! Así, aproveitaron para despedirse de Mariña que esperemos, nos visite de novo!

ENTROIDO - Kizoa Editar Videos - Movie Maker

    

  Para coñecer un pouco máis os personaxes dos Minions e a Scarlet Overkill, podedes ver o tráiler da película!

                        


  Para saber algo máis de Nemo e Dory...