TEMPO DE COMPARTIR

   

        A semana pasada, a profe Geli entrou na clase de 2º A cunha bolsa. Nela gardaba unha serie de obxectos importantes para ela e así coñecela mellor. Como ela tamén quería conocer á clase, invitounos a participar coa actividade "A MALETA" que consitiu en que todos tiñamos que traer obxectos significativos para cada un de nós.  

   Moi animados, descubriron todos gustos insospeitados de compañeiros e tamén da profe. Foi unha sesión moi agradable e chea de sensibilidade. Velaquí os nosos protagonistas!

SAÍDA A CANGAS

Hoxe os nenos e nenas de 1º e 2º do CEIP P. A PEDRA tivemos una xornada de escola diferente, visitamos a casa da Mangallona en Cangas para ver a obra do pintor morracense Camilo Camaño Xestido. O artista demostrounos mediante un vídeo como creou en pouco tempo unha pintura mural para decorar a fachada da súa casa, logo fíxonos un percorrido polas diferentes salas da casa onde había retratos, paisaxes, bodegóns das diferentes etapas da súa pintura e, por último ensinounos a PEDRA MOURA que recolleu e conserva na súa casa.

Logo merendamos nun parque de Cangas para ir tranquilos e descansados ver a obra de teatro "ROEDORES" 

"Peludiño é un hamster que escapou da súa gaiola e quere vivir aventuras, Munda é unha rata soñadora, ambos rebuscan no lixo e deben superar as diferenzas para traballar xuntos e vencer ao gato".

De esta maneira tan gráfica intentamos lembrar o  25 de novembro día "INTERNACIONAL CONTRA A VIOLENCIA DE XÉNERO"

DEGUSTACIÓN DE OUTONO!

A semana pasada as profes nos pediron que levásemos ao colexio froitos de outono. Con todas as cousas que levamos fixemos unha EXPOSICIÓN DE OUTONO chea de produtos típicos desa data: marmelos, granadas, mazás, noces, abelás, uvas, feixoas, cabazas, améndoas, castañas, kiwis, caquis, landras...
O xoves, antes do recreo baixamos ao comedor a facer unha degustación dos produtos da exposición (grazas Martín), probamos algúns que non coñeciamos como a feixoa, a granada ou o caqui.
Gustáronnos tanto que non quedou nadiña!!!!

XOGANDO POLO MAGOSTO!

Hoxe foi un día diferente pois celebramos o MAGOSTO. Como xa vén sendo habitual, a asociación CORREDOIRAS de Bueu prestounos os seus xogos tradicionais para que puidésemos gozar deles.

Así que, despois do recreo, saímos ao patio organizados por grupiños e empezamos a xogar (a tirar á tixola, a carreiras de carretas, a tirar a castaña ao burato, á ra...) foi un rato moi agradable! 

Pero xa cheirábamos un arrecendo... estaban listas as castañas asadas!!! Comémolas e estaban boísimas! Mmmmmm...