OBRADOIROS DO NADAL

Para despedir o trimestre e comezar con sabor doce as vacacións de Nadal o día 18 na escola participamos moi activamente en catro obradoiros: plástico, musical, decorativo e plurilingüe. Tamén nos visitaron os Reis Magos e déronnos lambetadas, nós para que marchasen contentos agasallámolos cunha panxoliña "A árbore de Papá Noel". Rematamos a intensa xornada saboreando doces do Nadal. Gozade do vídeo.

Obradoiros Nadal - Kizoa Movie Maker

VISITA AO MUSEO MASSÓ

O 17 de decembro visitamos o museo Massó para descubrir, coñecer e experimentar o museo empregando os diferentes sentidos.

EXPERIMENTAMOS COS ESTADOS DA AUGA

Dentro do proxecto "Da Terra ao Espazo" aprendemos moitas cousas sobre a auga na Terra e experimentamos cos estados da auga: na escola observamos como a auga en estado sólido se converte en estado líquido.

En familia, os nenos e as nenas de segundo foron quen de "crear chuvia" seguindo unhas instrucións dadas, aquí podemos ver o traballo realizado por Manel un neno de 2º A na compaña da súa familia.



Experimento primeira parte:

Experimento segunda parte:

DÍA DA CIENCIA EN GALEGO

O mércores día 4 de novembro os nenos e nenas de 2º curso prepararon unha sesión que consistiu en "experimentar cos sentidos" cun dobre obxectivo  despertar a sensibilidade sensitiva para coñecerse mellor e conmemorar o día da ciencia en galego. Foi todo un éxito! tal e  como reflicten algunhas fotos da experiencia e as  impresións dalgúns nenos e nenas. 

Sentido do tacto

Sentido do gusto

Sentido do olfacto

Sentido da vista

Sentido do oído

Opinións de algúns nenos e nenas do vivido na aula de ciencias:

“Hoxe o que máis me gustou foi probar aqueles sabores” Pablo

“Na aula de ciencias estivemos traballando os cinco sentidos: Vista, oído,tacto,olfacto,gusto. Ao final tivemos que poñer a pegada do dedo.Co tacto nos vendaron os ollos e tivemos que adiviñar cousa.” Brais

“Na aula das ciencias paseino pipa sobre todo no sentido do tacto, o sentido do olfacto, e o sentido do gusto.No sentido do olfacto paseino moi ben, non so porque adiviñei case todo senón  porque me divertín, no sentido do gusto paseino ben porque me botaron diferentes sabores na lingua e sabíanme case todos ben, Ja,ja ja… “ Fabiola

“Hoxe paseino moi ben, fomos a aula de ciencias e aprendemos como era  a lingua, como eraa orella, como eran os ollos, como eran as mans e como era o nariz, paseino moi ben e selei o meu dedo” Manel

“Na sala de ciencias estivemos probando cousas do gusto, tamén do olfacto e cheiramos cousas raras. A profe Silvia tapounos os ollos cunha bufanda e tocamos cousas, tamén escribimos cousas sobre o oído e a vista” Xavi

“Hoxe fomos a aula de ciencias, primeiro fomos a aprender cousas sobre os ollos, logo fomos a cheirar cousas moi raras, despois fomos a probar duns líquidos: amargo, doce,salgado e ácido e logo fomos a tocar cousas: tocamos xeo e auga quente e me sentín feliz.” Antía

“Hoxe na aula de ciencias fixemos tocar cousas, xogamos e aprendemos os sentidos” Sofía

“Hoxe na aula de ciencias fixemos experimentos cos sentidos, primeiro tocamos mmmm…non sei pero foi moi divertido”  Ana

SAMAÍN 2015

Este  curso celebramos un Samaín cósmico, a participación das familias coa decoración  de cabazas demostrou unha gran creatividade e interese pola actividade, podemos ver na exposición galaxias, asteroides, astronautas, planetas , personaxes extraterrestres, satélites, etc, un magnífico UNIVERSO. Podemos ver algunhas fotos
A nosa intención foi que desenvolverades emocións positivas  en familia cun tema que  esperta moita curiosidade entre escolares, ESPERAMOS TELO CONSEGUIDO!!

Dende as aulas participamos na elaboración duns conxuros cósmicos, saíron verdadeiramente transformadores, oxalá  se cumpran!!! Cada grupo aportou  un conxuro  que colocou nun planeta  para poder viaxar polo espazo do  mural da entrada do cole. Moi bonito e ilustrativo!!

Aquí están os conxuros dos nenos e nenas de segundo, foi un traballo colaborativo. A ver se sodes quen de lelos, seguro que vos gustan.

DÍA DAS BIBLIOTECAS ESCOLARES

O luns 26 de outubro o Bibliocastelo festexou o aniversario de Papirus e convidounos aos nenos e nenas de 1º e 2º a celebración.  Foi un día de biblioteca especial, primeiro mostráronnos un vídeo precioso da viaxe de Papirus polo espazo e decatámonos de   cantas e importantes  cousas está descubrindo. Tamén nos leron un conto moi familiar e tenro que se titulaba “Papá, por favor, achégame a Lúa” estivemos moi atentos! Logo, por tratarse dun aniversario especial non houbo candeas que soprar, pero si houbo chuches espaciais para tomar. Para rematar, cada un de nós deixou o seu foguete no Bibliocastelo para que cando Papirus regrese do seu percorrido atope os seus agasallos.

              Feliz día das bibliotecas escolares

REUNIÓN DE FAMILIAS CURSO 2015/2016

Deixamos aquí a presentación que mostramos o martes día 22 de setembro na reunión de familias de 2º curso de primaria. Esperamos que chegue esta información a maioría de nais e pais. Un saúdo

Premade na imaxe para poder ler.

DESPEDIDAS CON ARTE!

E por fin chegou o último día do curso! Parece que hai pouquiño que comezamos pero xa pasou o tempo e traballamos tanto.... que xa nos merecemos un descanso!

Hoxe invitáronnos os compañeiros de 3ºA a ver dúas representacións teatrais: O ESPANTALLO AMIGO (a partir dun libro que leron ao longo do curso) e  A ÚLTIMA CEA (representando o cadro de Leonardo da Vinci) Fixérono xenial!

Despois xogamos un ratiño no patio e merendamos todos xuntos na aula de 1º A compartindo cos compañeiros un montón de doces e lambetadas. Mmmm!

Finalmente, no patio dos maiores, asistimos á entrega de premios dos concursos celebrados ao longo do curso, entre eles o organizado polo Día das Letras Galegas:  Que sabes de Xosé Filgueira Valverde? onde resultaron premiados: Álvaro, Lara e Paola de 1º e Miguel, Aitana e... de 2º

Finalmente todos volvimos ás aulas para despedirnos ata o ano e tamén da PROFE CARMEN, que despois de moitos anos de traballo, tócalle darse un descanso e gozar dunha vida máis tranquila.

Ata sempre!

ÚLTIMA SAÍDA DO CURSO

Hoxe fomos de excursión. Foi a nosa última saída do curso e para os de 2º a última saída do ciclo, xa que despois do verán comezarán unha nova etapa escolar en 3º curso, cambiando de aulas e de profesoras. 

Por iso, quixemos ir xuntos a visitar unha obra de arte natural do noso entorno: CABO UDRA, pero antes todos tiñamos unha tarefa pendente.

O alumnado de 1º foi visitar a CAPELA DOS SANTOS REIS, onde nos agardaba o profe ARTURO, quen nos fixo de guía e explicounos marabillosamente a orixe e valor artístico desta capela deseñada por URBANO LUGRÍS. Acompañábano 3 membros da asociación de amigos da Capela e tamén nos explicaron cousas interesantes. Ao rematar, debuxamos a capela nunha libretiña que nos deron as profes.

Namentres, o alumnado de 2º foi á CASA MUSEO DA MANGALLONA en Coiro, de Camilo Camaño Xestido, onde lles atenderon estupendamente.

Finalmente xuntámonos todos en Cabo Udra, pero como facía tantísima calor cambianos de plans e fomos á praia da Mourisca, onde merendamos e xogamos na area á sombra e preto da brisa mariña.

Pasamos unha mañá estupenda!

Ata pronto compañeiros, boa sorte na vosa nova etapa!

ESCENIFICACIÓN DUN CADRO DE KANDINSKY

Hoxe o alumnado de 1º escenificou unha obra de arte: CÍRCULOS CONCÉNTRICOS de KANDINSKY. Este traballo foi o remate dun curso cheo de arte, e este foi o cadro no que nos baseamos para facer os obradoiros de Nadal, os disfraces de Entroido e o teatro de fin de curso.

Durante moito tempo preparamos esta obra de teatro, que foi unha idea orixinal da profe Geli e que pouco a pouco fomos construíndo entre todos.

Ao final, o resultado foi óptimo, o alumnado actuou de marabilla e gustou moito a todos os espectadores.
Agradecemos a colaboración das familias para facer posible este espectáculo e, en especial, do pai de Ana Mayo quen grabou e editou o vídeo e fotografiou algunhas esceas.

GRAZAS!

E aquí tendes as fotos:



Ao chegar ao cole, estábanos esperando unha exhibición de taekwondo na que participaba alumnado do noso colexio.

E aínda tivemos tempo de facer un KANDINSKY por equipos con plastilina.

LA LISTA DE...

Durante este trimestre, na materia de LINGUA CASTELÁ, lemos un libro chamado LA LISTA DE CUMPLEAÑOS de Anna Manso e ilustrado por Gabriel Salvadó.

Foi un libro divertido que nos encantou a todos e que levamos para as casas para lelo sempre que queiramos. O que nos quixo ensinar a autora a través desta pequena novela foi a facer LISTAS. Contounos que a súa lista preferida é a dos contos que leu de pequena e invitounos a escribir a nosa lista para poder engadir o seu libro. Seguro que o faremos!

Pero ademais, nós quixemos facer outra lista relacionada co noso proxecto LER ARTE, e o que fixemos foi escribir en cada aula de 1º unha lista coa nosa OBRA DE ARTE preferida.

Mirade que listas tan artísticas!

O OGROCHO

Hoxe fomos ao Centro Social para ver unha representación teatral que nos ofreceu o Concello de Bueu chamada: O OGROCHO, de Suzanne Lebeau. 

Trataba dun rapaz diferente aos demais e de como a súa forza de vontade conseguía superar os obstáculos que o separaban dos seus semellantes. 

Os actores María Salgueiro e Lois Soaxe, da compañía "Teatro de ningures" estiveron fantásticos, e déronnos moitas ideas para facer mellor o noso papel na obra de teatro que representaremos o mércores.

Aínda que pasamos un chisquiño de medo, en xeral gustounos a obra e aprendemos moito.

Ata a próxima!

SAÍDA DE FIN DE CURSO: VIGO-SOUTOMAIOR

O martes 2 de xuño, o alumnado de 1º e 2º fomos de excursión. 

Pola mañá visitamos NATURNOVA, en Vigo. Alí fixemos unha visita interactiva por todas as salas onde aprendemos moitas cousas sobre as ciencias e despois fixemos un obradoiro artístico no que observamos detidamente distintas obras de arte de autores galegos (había unha de Lugrís!) e buscamos sentido a unha obra que coloreamos cada un imaxinando o que podía ser (un peixe, unha cebra, un porco, un grilo...) 

Ao saír do museo fomos no bus ata o peirao de Arcade, onde hai unha carballeira cun merendeiro, onde tomamos o xantar, xogamos e descansamos un pouquiño. Despois de comer, deixáronnos xogar nun parque chulísimo e volvemos montar no bus para subir ao CASTELO DE SOUTOMAIOR. 

Alí, atopámonos unha sorpresa: había un equipo de cine grabando escenas para unha película! Tivemos a ocasión de ver desde as galerías do castelo un anaco da grabación dunha loita de gladiadores romanos, foi espectacular!!! e logo visitamos o castelo, observando as salas, os recunchos, o mirador e... o calabozo! 

Máis tarde, paseamos polos xardíns do castelo e vimos moitas árbores diferentes, ata había unha sequoia! Bebimos auga nunha fonte e partimos cara a Bueu cun pouquiño de retraso... 

Xa queda pouco para a seguinte saída!

PLANTANDO CON ARTE

Durante os meses de abril e maio, o alumnado de 1º levamos a cabo un pequeno proxecto sobre as plantas, no que aprendemos como se alimentan, cales son as súas partes e os seus coidados. 

Na nosa casa plantamos unha legume nun envase de iogur moi artístico e cando medraron, trouxémolas ao cole. Tamén fixemos un experimento cunha caixa para descubrir que as plantas oriéntanse cara a luz do Sol.

Para rematar este proxecto e coa axuda de Ramón, plantamos unha pequena horta no patio do colexio, na que medrarán lentellas, chícharos, xudías, garavanzos... mmm!

PREMEDE NO VÍDEO PARA OBSERVAR OS NOSOS TRABALLOS.

CORRELINGUA 2015

Hoxe foi un día importante, xa que celebramos o CORRELINGUA polas rúas de Bueu. Consiste nunha marcha, a posterior lectura dun manifesto e actuacións en directo a prol da nosa lingua: O GALEGO, acompañados de uns 2000 alumnos e alumnas de centros educativos do Morrazo.

Para tal evento, vestímonos para a ocasión cunha camiseta decorada por nós coa nosa palabra galega preferida. Colgámonos unha chapa co lema: CREA GALEGO e fixemos uns marcapáxinas en goma eva para agasallar a quen queiramos e compartir deste xeito simbólico a nosa lingua cos demáis.

Ao chegar ao cole, debuxamos a portada do disco BRINCA VAI de PACO NOGUEIRAS, que foi o artista invitado, mentres cantamos as súas cancións. 

Foi unha xornada chea de emocións, bicos, apertas e reencontros.

TEATRO EN INGLÉS

Hoxe fomos ver unha representación teatral en inglés da man dos actores "The return of the storytellers" que nos axudaron a contar "THE LITTLE MERMAID".

Os actores fixeron uns castings para atopar os protagonistas da obra: a serea, o príncipe, a quenlla... Descubrimos que temos unha futura gran actriz entre nós!!!

Divertímonos moito e aprendemos moitísimo inglés. 

Thank you, storytellers!

CONTACONTOS CON IAGO LÓPEZ

Hoxe, na HORA DE LER, recibimos no Bibliocastelo a visita de IAGO LÓPEZ, da man da Editorial Anaya. 

Iago contounos "AUGUSTA E OS SEUS MEDOS", de Sabela Fernández Trelles, unha historia dunha nena que tiña tantos medos que non quería facer nada, ata que os seus pais lle deixaron unha caixa no seu dormitorio...

Gustounos tanto e estabamos tan metidos na historia que o tempo pasou sen darnos conta. Iago invitounos a contar o conto con el, tiñamos que facer xestos, responder preguntas... enganchounos completamente! Ademais trouxo con el unha caixa grande e en cada un dos seus lados estaba ilustrada unha escena da historia, moi artístico!!!
Agardamos que este libro chegue cedo á Biblioteca para poder lelo nós, grazas Iago!